Isa 48 | Ndebele | STEP | Zwanini lokhu, lina ndlu kaJakobe, elabizwa ngebizo likaIsrayeli, elaphuma emanzini akoJuda , elifunga ngebizo leN kosi , elikhumbuza ngoNkulunkulu kaIsrayeli , kodwa kungeyisikho ngeqiniso , njalo kungeyisikho ngokulunga.

Isaiah 48

UNkulunkulu uyiNkosi yezinto ezizayo

1 Zwanini lokhu, lina ndlu kaJakobe, elabizwa ngebizo likaIsrayeli, elaphuma emanzini akoJuda ^a, elifunga ^b ngebizo leNkosi, elikhumbuza ngoNkulunkulu kaIsrayeli ^c, kodwa kungeyisikho ngeqiniso ^d, njalo kungeyisikho ngokulunga. 2 Ngoba bazibiza ngokuthi bangabomuzi oyingcwele ^e, beseyama kuNkulunkulu kaIsrayeli ^f; iNkosi yamabandla libizo lakhe. 3 Ngamemezela izinto zamandulo ^g kwasekuqaleni ^h, zaphuma emlonyeni wami, ngazizwakalisa; ngenza masinyane, zafika ⁱ. 4 Ngoba ngangisazi ukuthi ulukhuni, lentamo yakho ingumsipha wensimbi ^j, lebunzi lakho lilithusi; 5 ngitsho kwasekuqaleni ^k ngamemezela kuwe, kungakenzakali ngakwenza wakuzwa, hlezi uthi: Isithombe sami ^l sizenzile, lesithombe sami esibaziweyo, lesithombe sami esibunjwe ngokuncibilikisa sikulayile. 6 Usuzwile, khangela konke lokhu; njalo kaliyikukumemezela yini? Ngikwenze uzwe izinto ezintsha kusukela khathesi, lezinto ezifihlakeleyo ^m obungazazi. 7 Zidalwe khathesi, kungeyisikho ekuqaleni ⁿ; ngitsho lungakafiki lolusuku ungakezwa ngazo, hlezi uthi: Khangela, bengizazi ^o. 8 Yebo, kawuzwanga; yebo, kawazanga ^p; yebo, kusukela ngalesosikhathi indlebe yakho yayingavulekanga ^q; ngoba bengisazi ukuthi uzakwenza lokwenza ngenkohliso ^r, wabizwa ngokuthi uyisiphambuki kusukela esizalweni ^s. 9 Ngenxa yebizo lami ^t ngizaphuzisa ulaka lwami ^{u
,} ^v, langenxa yodumo lwami ngizibambe ngawe, ukuze ngingakuqumi. 10 Khangela, ngikuhlolile ^w, kodwa hatshi ngesiliva, ngikukhethile esithandweni senhlupheko ^x. 11 Ngenxa yami ^y, ngenxa yami ngiyakwenza; ngoba ibizo lami lingangcoliswa njani ^z? Njalo kangiyikunika udumo lwami komunye ^aa.

UKoresi ungokhethiweyo yiNkosi

12 Ngilalela, Jakobe, lawe Israyeli obiziweyo wami: Nginguye ^ab; ngingowokuqala, njalo ngingowokucina ^ac. 13 Isandla sami ^ad laso sabeka isisekelo somhlaba, lesandla sami sokunene sendlale amazulu; lapho ngikubiza, kuyasukuma kanyekanye. 14 Buthanani lina lonke, lizwe; ngubani phakathi kwabo omemezele lezizinto ^ae? INkosi imthandile ^af; izakwenza intando yayo eBhabhiloni ^ag, lengalo yayo ^ah izakuba phezu kwamaKhaladiya ^ai. 15 Mina uqobo ngikhulumile; yebo ngambiza ^aj, ngimlethile, njalo uzaphumelelisa indlela yakhe.

INkosi izahlenga uIsrayeli

16 Sondelani kimi, lizwe lokhu; kangikhulumanga ensitha ^ak kusukela ekuqaleni; kusukela kulesosikhathi kusenzeka, ngikhona. Khathesi-ke iNkosi uJehova ^al kanye loMoya wayo ^am ingithumile. 17 Itsho njalo iNkosi ^{an
,} ^ao, uMhlengi wakho ^ap, oNgcwele kaIsrayeli: NgiyiNkosi, uNkulunkulu wakho, ekufundisa okukusizayo, ekukhokhela ngendlela ^aq ofanele ukuthi uhambe ngayo. 18 Kungathi ngabe walalela imilayo yami ^ar! Khona ukuthula kwakho ^as kwakuzakuba njengomfula, lokulunga kwakho njengamagagasi olwandle. 19 Inzalo yakho layo yayizakuba njengetshebetshebe ^at, lembewu ^au yemibilini yakho njengezinhlamvu zalo; ibizo lawo belingayikuqunywa kumbe lichithwe lisuke phambi kwami.

20 Phumani eBhabhiloni ^av, libalekele amaKhaladiya ^aw, limemeze ngelizwi lokuhlabelela ^ax, likuzwakalise, likuphumisele ngasemkhawulweni womhlaba, lithi: INkosi ^{ay
,} ^az ihlengile ^ba inceku yayo uJakobe ^bb. 21 Njalo kabomanga ^bc lapho ibakhokhela bedabula izinkangala; yenza amanzi abagelezela evela edwaleni ^bd, futhi yaqhekeza idwala ^be, lamanzi ampompoza ^bf. 22 Akulakuthula ^bg, itsho INkosi, kwabakhohlakeleyo.